frantziako itzulia 2014

PIRINEOETAN BTT

Beti gustatu izan zait , Frantziako itzulia telebistaz jarraitzea. Irudikatzen duzu zein gogorra bezain ederra izan behar duen, pirineotako mendateak bizikletaz igotzea. Gainera, telebistaz ikusita ematen du,  izugarrizko giroa egoten dela errepide bazterrean zaletuen artean.

  Horregatik oraingoan , aitzaki hontaz baliaturik, Eukeni nire adiskidearen laguntzaz, mendiko bizikletak autoan sartu eta pirineotara joan gara, bizikletan ibiliiaz utzulia ikustera.

PORTET-EKO LEPOA 

  1.Eguna

 Eukeniren C.express estreinatzeko aukera izango dugu gainera. Hiru egunetarako beharrezkoa den guztia kargatu, zerbezak barne, eta pirineo garaietara habiatu gara Bagneres de Bigorrera. 

Saint Lary Soulanetik irtengo gara errepidean gora le Pla d`Adetera igotzeko. Behin Ski estaziora iritsita, bidegurutzean ezkerrera jarraituko dugu ski pistetako bideak erabiliz Porteteko lepora igotzeko.

 Portet 2211m. Ikuspegi paregabea Neovilleko mendizerrara.

Goitikan ekialdera, Ouleko lakura jetxiko gera, ski pistak baliatuaz horretarako.

 Lakutik pista azkar batean behera errepidera jeitxi eta behin errepidean gerala, ordekan kilometro gutxi batzuk egitea geratuko zaigu berriro Saint Larira iristeko.

 

 

 

 

 ANCIZAN ETA ASPIN-eko LEPOAK

2.Eguna

   Saint lary soulanetik irten, hasieran errepidez eta gero mendi pista batean gora ancizaneko lepora iritsi arte.

 Han oraindikan gora jarraituko dugu, iada mendi bidean aurrera, Artigouko lakura eta handik Bouhouereseko gainera

zati hau ez guztiz txirrindagarria baino Tourmalet eta midi Bigorreko ikuspegiak ordainduko ditu egindako aleginak

                                                     Midi de Bigorre eta Tourmalet

 Gero jetxiera zirraragarria berriro errepidera jeisteko, arik eta Les Quatre viziauxeko kanpinera iritsi arte. Pixka bat aurrerago berriro errepidea hutzi eta pixta batean gora Beyredeko lepora igo eta handik mendi bidean aurrera, zeharkaldi bat egitea geratuko zaigu,  Aspineko lepoara iritsi arte.

                                                                   Aspin Lepoa

AZET-eko LEPOA

3.Eguna

 2014-ko Frantziako itzulia ikustera, Azet-eko lepora egindako igoera. Saint Lary Soulanetik irten eta errepidean gora igoera gogorra Ens herrira iritsi arte.

 Han iada, mendi pista zoragarri batean batean sartuko gara. Bide gora-beheratsu honek, pirineotako txoko ezkutuez gozatzeko aukera emango digularik.

Arbizon mendia eta Azet herria

 Behin Azeteko herrira iritsita, errepidean gora izen bereko lepora igoko gera.

3 

 
Atzean Arbizon eta Pla de Adeteko igoera. Erditik pixka bat ezkerretara Porteteko Lepoa.

 Lehen akdia pirineoetara mendi bizikletan ibiltzera joaten nintzela eta ez da izango azkena!!!!!!

ATXURIGAINA

IZARRAITZEKO MAGALEAN

 

 Azkenaldian geldirik egotea egokitu zait, izan dudan lan istripua dela medio. Beatz bat zauriturik eduki dut baina azkenean sendatu zait eta berriro eutsi diot hainbeste atsegin dudan jardunari, mendiko bizikletari.

 Oraingoan Roman adiskidea izan dut itzulian lagun.Goizean goiz ekin diogu jardunari, Berak Zestoatik irten du, nik Azkoitiatik eta Azpeitiko bidegorrian egin dugu topo biok. Gure asmoa izarraitzeko mendizerran bizikleta itzuli bat egitea da.

 Horretarako lehenik, bidegorriari jarraiki lasaora joango gara eta han Mallas taillerraren atzetik, Ondarbaso aldera igoko gara mendiko pixta gogor batean gora. Behin gainera iritsita zeharkaldi polit bat egingo dugu Goitxibarrera iritsiaz.Aittolako aparkalekura igo eta handik ibilbide gora-beratsuan Orandaingo lepora joango gara mendiko bide xidorrak erabiliaz.

  Segidan gure eguneko helburu nagusia igotzeari ekingo diogu, Atxuriko gaina. Igora dotorea da, zelaitikan pixta belartsu batean gora. Behin gailurrean izarraitzko mendizerraren ikuspegi paregabeaz gozatuko dugu.

Gailurretik Atxuria baserrirantz jetxiera zirraragarria izango dugu, behin baserri ingurura iritsita, eguneko bigarren gain esanguratsura igotzea geratuko zaigu, Otarreko antenara. Hau ere begiragune paregabea dugularik, bertatik kantauriko itsasoa ikusiko dugu eta eguraldiak lagundu ezkero baita Larrun mendia ere.

Besterik gabe itzulia amaitzeko jetxierako bideari ekingo diogu berriro Orandaingo lepora itzuli eta Otarreko taberntik bueltan Azkoitiara itzultzeko.

MOUNICOT ETA TRACENS LEPOAK

LA GLERE-COUBOUS-AYGUES

 2014ko Apirilean egindako eski zeharkaldia.

 

 Aurten,  ihazko urtean bezala elur asko aurkitu dezakegu Pirineoetan Apirilean egonda ere. Beste behin ere Ertxin lagunarekin irten nahiz herritik Bareges ingurura, mendiko eskia egiteko asmoarekin.
 Lehen egunean nik Tourmaleteko pistetan eskiatu nuen, nere eski maila xumea hobetzeko asmoz. Eguerditik aurrera elurra oso sopatua bazegoen ere gustora ibili nintzen, urtebete baino geiago bai nengoen pistarik zapaldu gabe.





 Hurrengo egunean, goizean goiz, Turon Neouvillieko gailurra egiteko asmoarekin irten ginen Lienz-etik. Baino behin La Glere-ko aterpetxe parera iritsita, gero jeitxierakoan, Lienz-era iristeko naikoa elur ez zegoela ikusita eta Turonera lehen ere igo ginela jakinda,  itzulia aldatzea pentsatu genuen.
 Gure aukera, Mounicot-eko lepoa gainditu eta Coubous-eko bailarara jeixtea izan zen. Gero berriro larruak jantzi eta Tracens-eko lepora igo ostean Aigues-eko bailaratik itzuliaz, zeharkaldia amaitzeko.
 Azkenean zeharkaldi ederra eta erreza. Mendiko eskian aurrerapauso bat eman nahi duen hasiberrientzat gomendagarria.

Gps-a beti bezala gainean eraman nuen baina oraingoan argazki kamera etxean ahaztu zitzaidan .Argazkiak saretik jeitxi ditut.Hmen uzten dut track norbaiti baliagarria balitzaio.

GAZUME MENDIARI ITZULIA

ERNIKO MENDIZERRA 

2012ko Azaroan Agido mendi taldeak antolatutako mtb itzulia

Azpeitia eta Tolosa artean mendizerra zabala hedatzen da, larre nahiz baso aldetik aberatsa. Mazizo honetako tontorrik garaienak E-M norabideko gangor nagusi baten gainean banatzen dira: Gazume, Ernio eta Eniozabal .

 Agido mendi taldeak antolaturik, egindako mendi bizikleta itzuliak Gazumeko mendi gailurrari buelta emango dio. Horretarako Erdoiztako auzoa eta Iturriotz lotuko ditu mendiaren iparraldeko baso pixtetatik .

 Gero mendiaren beste isuarialdera jeitxita, Alkizatik Gorostiagako errekari segika, bidexidorrean gora egingo du Irumugarrietako lepoa igo eta Zelatuneko zelaietara iristeko.

 Errepidea, pixtak,errekatxoak gurutzatu, jetxiera zailak,  bizikletatik jetxi beharra..itzuli zaila baina interesgarria, basoan eta mendian bizikletaz ibiltzea gustatzen zaionarentzat gomendagarria.

UROLA BARRENETIK KOSTARA

 MENDIA ETA ITSASOA

 Mendi bizikleta itzuli honek aukera paregabea eskeiniko digu urola-kosta bailara ezagutzeko.

Azkoitiatik hasita: Loiolako Santutegia, Zestoako auzoak , Sakonetako itsaz ertza, Flish fenomeno kasrtikoa, Lasturko auzo berezia eta amaitzeko Erlo mendiaren magalean, Lardazkandatik bueltan itzuliko gara berriro Azkoitiara.

NEGUAREN AZKEN TAUPADAK

  2014-03-17  Ona izaten da bai,  neguaren azken aldean egun batzuk opor edukitzea  mendiko eskia maite dugunontzat.  Oraingoan Ertxin, Ramon zaku eta niri topatu zaigu aukera opor egun hauetaz gozatzeko eta pirineotara joan gara, neguaren azken taupadak sentitzera.

 Gure asmoa Pont-espagnetik irten eta wallon-Bachimaña-Respumoso aterpepetxetatik igaro eta  berriro ere Pont-espagnen amaituaz, 3 egunetako eski zeharkaldia egitea da. Ahal bada gainera egunero mendi gailurbat egitea izango da gure helburua.

 MARCADAUKO BAILARA

1. EGUNA

 Pontespagnetik irten dugu. Hasieran iraupen eskiko pixtei jarraituko diegu berauen bukaeraraino, arik eta pixten amaieran zubi bat topatu harte. Zubia igaro eta ihada mendiko bidean aurrera walloneko aterpetxera iritsiko gara.

Iraupen eskiko pixten amaierara iristen. Atzeam eskubitara Wallongo aterpetxerako bidea hartzeko pasako dugun zubia.

 Behin Wallongo aterpetxera iritsita Pla de Loubosso bailaran aurrera egingo dugu, bertatik jeixten den erreka gure eskuinetara hutziaz. Segituan irekiko zaigu bailara gure aurrean eta barruraino  sartuko gara bukaeran HM-rantzko ( eskuinaldera ) joerarekin, maldam gora igoaz bertatik irteteko, 500m desnibela gainditu ostean iritsiko gara Marcadeko lepora.

Wallon-go aterpetxea atzean hutziaz.

 Pla de Loubosso-ra sartzen. Aurrean Marcadauko (muga) gailurrak eta Fatxa ikusiko ditugu. Iada Marcadauko leporako bidea antzeman daitekelarik HM ( eskuinetara )

 

Marcadeuko lepora igotzen

 Behin lepora iritsita, gure asmoa Mugako gailurrera igotzea bada ere, bertan bera hutzi dugu gure nahia uste baino beranduago delako, eguerdiko 13;00 inguru, eta eguzkiak Mugako gailurraren hego aurpegia (35º-40º) gogor astindua duela ikusita, elur jauzi arriskua egon daitekela iruditu zaigulako.

 Marcaudeko lepoan, atzean ezk-esk, Mugako iparreko eta hegoko gailurrak.

  Behin lepoan larruak kendu eta Bachimañako aterpetxera abiatu gara, lehenik izan bereko lakuetara jeitxi eta beruek zeharkatu eta gero aterpetxean ostatu hartzeko.

Bachimañako lakuetrara jeixten.Elurra oso bigun,  oso transformatua zegoen.

Laku izoztuak igarotzen.

Behin lakuak zeharkatutakoan berehala iritsiko gara Bachimañako aterpetxera,  bertan ostatu hartu eta indarberritzeko hurrengo eguneko bideari ekin baino lehen. Laburbilduz, lehenengo egun lasaia izan genuen, aparteko esfuertzorik egin gabe hurrengo egunetarako giharreak berotzen hasteko.

LAKU URDINETATIK GAILUR ZURIETARA

   TEBARRAI

2.Eguna

  Bachimañako aterpetxean  hartu genuen atzo ostatu eta oso gustora geratu gara, bai aterpeak eskeintzen dituen dutxa beroa, afari, gosari...zein bertako zaindariak eskenitako harretarekin. Berriro ere itzuliko gara zihur.Ondo gosaldu eta bidean jarri gara berriro.

  Gaurko gure nahia "Ibones Azules" etatik igaroaz Infernuko lepoa gainditu eta Tebarraiko lepora gurutzatu ostean, izen bereko gailurra igotzea da. Gero Respumosoko aterpetxera jeixteko.

Bachimañako urtegia gurutzatu behar lehenik

"Ibones Azules" atzean hutzi eta Infernuko lepora igotzen

Infernuko lepoan, gaurko gure hurrengo helburua atzean Tebarraiko gailurra.

 Infiernoko lepotik Tebarraiko lepora gurutzatzen, kontuz ibili beharreko lekua da.

 Behin Tebarraiko lepora iritsi ondoren, eskiak bertan hutzi ditugu. Bukaerako arista zabalari hasieran elurra falta zaio eta iruditu zaigu ez duela merezi eskiak gora igotzea . kranpoiak eta pioletaren laguntzarekin gailurrera igo gara.

Bukareako arista erreza bada ere, hasieran igarobide estuxamarra pasa behar da.

 Tebarrai gailurreko argazkia, behatoki paregabea

Gailurrean infernuko mendizerra atzean

Orain arte zeharkaldian zehar inor topatu ez badugu ere Tebarraiko gailurrean Valentziano talde batekin egin genuen topo. Txisteak eta umore ona. Segidan lepora jeitxi eta respumosoko aterpetxeraino jetxiera ederra geneukan "ibon de llana cantal" aldera. Eguzkiak gogor jotzen bazuen ere ipar ixuriko maldak udaberriko elur gozoa zeukaten guretzat gordeta.

Jetxierako une bat

  " Aguas linpias" errekaraino jetxiko gara eta bertan larruak jantzi behar izan ditugu Respumosko aterpetxera igoera zigi-zagatsua egiteko. Bigarrengo etapa honetan lehenengoan baino gehiago gozatu dugu batetik gailurrak beti askoz gehiago janzten duelako ibilbidea eta bestetik jetxieran gozatu ahal izan dugulako.

BARRURA BEGIRAKO BIDAIA

 PEÑA ARAGON

3.EGUNA

 2014-03-19 Respumosoko aterpetxetik irten dugu goizean zeharkaldi honetako azken ibilbidea egiteko gogoz. Gaurkoan ere etapa ederra dugu aurrean. Lehenik "embalse de campo plano" zeharkatuko dugu ondoren Gran Fachako lakutik datorren erreka zuloari jarraiki, lakura iristeko. Jarraian  Fachako lepora igo eta azkenik Peña Aragon gailurra egiteko asmoa dugu.

Respumoso aterpetxetik irteten

Aterpetxetik irten eta segidan ekialdera egingo dugu. Lehenik muino txiki bat igo eta segidan "embalse de campo plano"-ra jeixteko. Beti ere ekialdeko noranzkoan ibiliaz. Leku zirraragarria benetan.

"Embalse de campo plano" zeharkatzen.

 Behin lakua zeharkatutakoan Facha-ko lakutik datorren erreka zuloari jarraituko diogu. Hasieran eremu erosoan aurrera eta pixkanaka malda gogortuz joango zaigu,  amaierako aldapa gogorra igo beharko dugularik. Lekua hau oso laiotza denez kutxilak eta kaskoa beharrezkoa izango ditugu.

 Behin Fatxako lakura iritsita izen bereko lepoa ikusiko dugu.Gure hurrengo helburua.

Lepoa gainditu ostean Iparrera egingo dugu, malda erosoak igoaz Pena Aragoneko gailurreraino.

Gailurrean. Facha-ko ikuspegi paregabea.

Balaitus

Cambales

 Gailurreko ikuspegiarekin ederki gozatu ostean, 1500m desnibela dugu aurrean jeixteko pont-espagneraino, hiru egunetako zeharkaldi paregabe honi añaiera emateko.
 Zeharkaldi honetan ulertu dut berriro zergatik daukadan behin eta berriro mendira joateko joera. Paraje ahuetako bakardadean, edertasunean topatzen naizelako neure beldurrekin, mugekin, naihekin... neure buruarekin. Eta mendiak erakusten didalako zeinen txikia zein ahuskorra izan naitekeen eta era berean zeinen handi beraien gailur garaiaetan ibiltzeko.